කරනා සටනේ ජය නියතයි නෙතු මානේ
අප පමා නොවි එකමුතු වී දෙමු සහයෝගේ
නෙතු නොනිදා දිරියෙන් රැකගන්නට මේ දේශේ
වෙර දරනා විරුවනී ඔබටයි මේ උපහාරේ
අප වෙනුවෙන් දිවි හිමියෙන්
නොපෙනෙන සතුරන් හා මේ
නිති ගැටෙනා සොයුර නුඹයි
ලක්මවගේ අභිමානේ
රුදුරුයි සතුරා වියරුව දිව යයි මේ කාලේ
එය පරදාලමු නිසි අවබෝධෙන් මිතුරානේ
දුරලාමු මිනිස්කම් වාද භේද හැම වාගේ
අප ජයගන්නට යන සටනට සහයයි ඕනේ
එකම සිතින් එකමුතු වී
යළි පුබුදමු අප දේශේ
ලොව පසුබසිනා විටක වුණත්
නොසැලෙයි ලක්මව මාගේ