බිතක එල්ලුනු ලෝගුවක් ඇදි ඇගේ කළුසුදු පින්තූරේ
අත දරා ගත් සහතිකේ ඇති මකුලු දැල් බැඳි ලිපිගොනුවේ
මහගෙදර පිල අද්දරට එන බොල් සුලඟ හා දොඩමළුවේ
අකුරු දන්සල ඉවර කර ඈ ගොලුවතට කිම පෙම් කලේ
ටියුටයක් අත බෙදා ගැම්මට අකුරු මිල කරලා
සෙයිලමේ උන් එකා පරයා ශිල්ප විකුණන්නා
මහ වැවක් ලෙස නුඹ ම සරි කල වී කරල් පල්ලා
ඇල ගලා යයි කිසිත් නොදොඩ ම සිඳුණු වැව හැරදා
සුණු සුළන් රැලි අතර හෙම්බත් වී දෙබස් හංගා
කැකෑරුණු හද පත්ල සෙලවී නෙත් කඳුලු එබුණා
ගුරු සිතට කලකිරුණු දිනයක් උනිද අප හින්දා
සමා අවසර ඇසූ කල ඈ හදින් ඉකි බින්දා
ගුරුකුලේ සම්මානධාරිණී ඈ
සිප් හලේ ගුරු දේවතාවී ඈ