රුදුරු නිම්නයේ හැලුණු පෙති මත
දෙව්ලියක විත් පාවෙලා
රිදුණු කඩතොළු පිරිමදා හද ආදරේ රස
මිමිණුවා
ප්රේම පිරිතක නිවෙන තනුවක ආදරෙන්
මා සතපවා
තනිවූ යහනක සුසුම් ගොන්නක ප්රේමයේ
එළි දැල්වුණා
මියුරු දැහැනක සමවැදී හද
සීත ගඟුලේ කිමිදුනා
අසනි වැස්සක තෙමුණු කතරක අරලියා
මල් පිබිදුණා
හදමතින් නුඹ ඇවිද ආ මග ස්නේහයේ
දිය ගැල්වුණා
ඈත සසරක මතක පිටුවක ලබැඳියේ නුඹ
හිනැහුණා
පබැඳි රහසක හුස්ම ගුලිකර
ප්රේමියේ නුඹ හිනැහුණා
ආදරේ ගී මිමිණුනා
දෙව්ලියේ
මගෙ පපුතුරේ නුඹ හිදිනු සදා...