රහස නුඹේ වෙනසට මම තව නෑ දන්නේ
අහස පුරා ඇඳි සෙනෙහෙ රටා බොඳ වෙන්නේ
හීන එකිනෙක වැටෙද්දී
පෑව හසරැලි මැකෙද්දී
නුඹම තව අතක පැටලී
හිනැහෙනා අයුරු දුටුවේ
රහස නුඹේ වෙනසට මම තව නෑ දන්නේ
අහස පුරා ඇඳි සෙනෙහෙ රටා බොඳ වෙන්නේ
මේ තරම් චෝදනා
මේ තරම් වේදනා
හිමි වුනේ ඒ තරම්
ආදරේ කල නිසා...//
හිමි නැතත් ආදරේ
එක හිතක් නැති නුඹේ
දැන දැනයි පෙම් කළේ
වැරදුනේ ඒ නිසා...//
කඳුලු හිතේ සඟවා මා අද සමු දෙන්නම්
නොලද සෙනේ ගැන අහිතක් මතු නොසිතන්නම්
හීන එකිනෙක වැටෙද්දී
පෑව හසරැලි මැකෙද්දී
නුඹම තව අතක පැටලී
හිනැහෙනා අයුරු දුටුවේ
රහස නුඹේ වෙනසට මම තව නෑ දන්නේ
අහස පුරා ඇඳි සෙනෙහෙ රටා බොඳ වෙන්නේ
අහිමි වූවත් සදා
ඉන්න සතුටින් ඔයා
සිතුව හැම දේ නොවේ
දෛවයයි මේ අපේ...//
දිනුම නුඹටම පුදා
පැරදුනත් මා මෙදා
නුඹ තවත් දන්නවා
ආදරේ මං කියා...
අහිමි නුඹේ ලඟ පැරදුනු මසිත හඬාවි
නැවත ඉතිං හමු නොවනා බව ඉඳුරාවි