ඔබේ උණුසුම් පපුතුරේ
හිස හොවා ඉන්නද ප්රියේ
හිස හොවාගෙන
නෙතු පියාගෙන
අසන්නද පෙම් ගී හදේ
ඔබත් නොකියූ මමත් නොඇසූ
කතා තිබුණත් හදවතේ
කියාගන්නට බැරිව ලතැවුනු
කතා තිබුණෙම යටිහිතේ
රිදුම් පිරිමැද හදින් පිටවුනු
සුසුම් පවනේ පාවුනේ
මටත් මා ගැන දුකක් දැනිලද
නෙතින් කඳුළක් ගිලිහුනේ
පෙමක් සඟවා තබනු කෙලෙසද
නෙතේ ලියැවෙයි හද සෙනේ
හදක් නළවා ලියලනා පෙම
අරුමයක් නොවෙදෝ ලොවේ
බවෙන් බවයේ හමුව වෙන්වුණු
හිතළුවක් ඇත හිත කොණේ
අපිත් අපෙ වී ඉන්න පතමුද
යලිත් උපදින හැම බවේ
ඔබේ උණුසුම් පපුතුරේ
හිස හොවා ඉන්නද ප්රියේ
හිස හොවාගෙන
නෙතු පියාගෙන
අසන්නද පෙම් ගී හදේ
ඔබේ උණුසුම් පපුතුරේ
හිස හොවා ඉන්නද ප්රියේ