හංගා ගමි ගැඹුරේම හදෙහි
මං ආදරේ උහුලා ගනිමි
මන්දාරමේ අඳුරේම තනිවී
දුන් හාදුවේ මතකේ සිඹිමි
අල්ලා අත පියාඹන්න දුර මන්දාකිණියේ
දැන් කාටද කියා දෙන්නෙ මගෙ නිල් මල් කුමාරියේ
සංසාරේ සියවරේ හමුවීලා තිබුණා
ලංවීලා හිතුමතේ ඔබ ආවා බැඳිලා
අංගාරා ගඟ වගේ හිත සීතේ නහවා
හැන්දෑවේ තනි මඟේ යනවදෝ නොකියා
පය තබනා හැමවරේ ජීවිතේ දුර්ග මාවතේ
ඔබ හිටියා ළඟ රැඳී හීන ගානේ
මගහැරිලා කලුවරේ තනියෙන් දැන් මා
පාවිලා යාවීදෝ කොහේ
අල්ලා අත පියාඹන්න දුර මන්දාකිණියේ
මං කෝමද හදාගන්නෙ හිත පෙම්වත් කුමාරයෝ
සුසුමේ රේණු තවරා කේශ නල ගානේ
ඔබ ආවේම සරසාලාම මගෙ හීනේ
කලු ආකාසෙ තරු නෑ වාගෙ හිත ආයේ
යනදා ඈත දැනෙනා තාම සඳ මාගේ