දැනී දැනෙන මෙතරම් හැඟුමන්
කොහෙන්ද ගෙන ආවේ
මැවී මැවෙන අඩවන් දෙනුවන්
නිවන්නෙ සිත මාගේ
ප්රේමනීය පෙම්වත් සිතක්
ලැගුම් අරන් රහසේ
නැවතුමක් නොමැති ජීවිතේ
හමුවුණා ආදරේ
ගිලිහෙන සුසුමක් ගානේ දැනී දැනෙන්න
දෑතින් මා තුරුලු කරන් ළඟින්ම ඉන්න
හෙළනා බැල්මක් ගානේ හැඟුම් විඳින්න
මැවෙනා සිහිනෙක පවා මැවී මැවෙනින
කුසුමන් සුවඳැති සුසුමන් කෙමි අතුරා
වැළඳ ගන්න මා ජීවිතයම පවරා
දෙනිති පියන් මත හාදු කුසුම් තවරා
රිදුම් නිවන්නම් ආදරයම කොඳුරා