ඉඳහිටක මම පරණ මතකෙට
හොරෙන් එබිකම් කරනවා
පපු මැද්දේ ඇති බර සුසුම් ටික
ඔහේ පා කර හරිනවා
වරක් දෙවරක් නොවේ සියවර
හිතෙන් ඉකියක් ඇහෙනවා
හිතේ ගුලිකළ මතක වලටත්
තාම පණ නම් තියෙනවා
දුරින් උන්නත් හැමතැනම මට
නුඹේ සුවඳම දැනෙනවා
ආදරේ කළ වරද ඇරුණම
වුණේ මොකදැයි හිතෙනවා
නුඹ මවා දුන් හීන ලෝකෙම
තවත් මසිතේ තියෙනවා
බොඳ වෙච්ච එක හීනයක් ලග
ඇස් කෙවෙනි අග රිදෙනවා
තව තවත් නුඹ මගෙ නොවන බව
මගේ හිතටම කියනවා
ආදරේ ඇයි දැනුණෙ හිතකට
මටම මම දොස් නගනවා
හමුවුනත් මට කවදාක හරි
මග හරින්නට හිතෙනවා
මගේ නොවුනට නුඹේ උණුසුම
සදාකල් මට දැනෙනවා