Verse 1
දරුවො වාගෙම පපුවෙ උන් අය
හිටි ගමන් නොකියාම යනකොට
කන්ද වාගේ ඉන්න කියලා
හුළග රහසින් කියනවා
කන්ද වාගේ ඉන්නවා
කදුළු ඇස් යට තියෙනවා…
Verse 2
හැම හිනාවෙම ඔබට නොපෙනෙන
කදුළු පැල්ලම් තියෙනවා
පිරිමි කදුළක අදුරු ගනුදෙනු
කැඩුණු කැඩපත දන්නවා….
Verse 3
ඔබේ ඇස් ඇති පිළිරුවක් මට
හැමදාම හීනයක් වෙනකොට
ඔබේ එක්ටැම් කුලී පපුවෙන්
ඉගිලෙන්න මට හිතෙනවා
මමත් අහසක්
හොයනවා…
Verse 4
නමුණුකුල මහ කන්ද පාමුල
බීර හීතල රැයක් මැද්දේ
ඇගේ ඇස් දෙක මග අරින්නට
මමත් පාරක් හොයනවා
උඹේ ඇස් දෙක
මැවෙනවා…
Verse 5
ආදරේ හින්දාම සමහර
දිගම දිග ආදර කතන්දර
අතරමැද්දේ අතාරින්නට
ලියපු උන්ටම හිතෙනවා
මගේ හිත
මම දන්නවා….